生在蘇州、食在廣州、着在杭州、死在汀州

 生在蘇州、食在廣州、着在杭州、死在汀州係廣東話名句，清時已流行。句點出中國地方特徵，因爲口耳相傳，亦生出有其他版本。

生在蘇州，係因爲地方健康，出世都出得好。食在廣州，廣東菜款式多，乜都有得食。着在杭州，當地絲綢係中國最好。而死在汀州，係貪佢棺材杉木好。

其他版本

四句乜版本都好，食在廣州呢句係必有。而今時今日流行版本，係生在蘇州、住在杭州、食在廣州、死在柳州。

    死在柳州，棺材杉木同汀州齊名。
    住在杭州，杭州風景宜人。

北方話借用時，食改成吃，着改成穿。